Iba Pang Grant at Rebate

*Hindi stackable ang mga insentibo pero posibleng may mga available na loan na mababa ang interes.

**Hindi stackable ang mga insentibo pero posibleng may mga available na loan na mababa ang interes.

Access sa Malinis na California (Access Clean California, ACC): Ang ACC ay isang pambuong estadong proyekto na nagkokonekta sa mga residenteng kwalipikado ang kita sa mga benepisyo sa malinis na enerhiya at transportasyon. Gamitin ang kanilang tool na Finder ng Benepisyo para malaman kung kwalipikado ka para sa iba pang lokal o pang-estadong benepisyo na puwedeng makuha kasabay ng Clean Cars for All.

Mga Sasakyan

Proyekto ng California para sa Rebate sa Malinis na Sasakyan (California Clean Vehicle Rebate Project, CVRP)

Nag-aalok ang Proyekto ng California para sa Rebate sa Malinis na Sasakyan ng mga rebate na hanggang $7,000 para sa pagbili o pag-lease ng mga bagong kwalipikadong sasakyang may zero na emisyon.

Programa ng Tulong sa Malinis na Sasakyan (Clean Vehicle Assistance Program, CVAP)

Nagbibigay ang Programang Tulong sa Malinis na Sasakyan ng mga grant na hanggang $5,000 at abot-kayang pagpopondo para matulungan ang mga Californian na may mababang kita na bumili ng mga bago o nagamit nang hybrid o de-kuryenteng sasakyan. Layunin naming gawing accessible at abot-kaya ang malilinis na sasakyan sa lahat ng kwalipikado.

May available ding rebate na hanggang $2,000 sa mga kalahok para sa pagbili at pag-install ng charger sa bahay. Hindi puwedeng isama ang CVAP sa Clean Cars for All.

Programa ng Tulong sa Malinis na Pagmamaneho (Driving Clean Assistance Program, DCAP)

Sa pamamagitan ng pakikipagtulungan sa Lupon ng Mga Resource sa Hangin ng California, ipinagmamalaki ng CDHC na bigyan ang mga customer ng mga pagkakataong bumili ng nagamit nang maaasahang sasakyang gumagamit ng advanced na teknolohiya.

• hanggang $5,000 na buy down
• At espesyal na pagpopondong hanggang $20,000
• May rate ng interes na hanggang 8%
• Hanggang 60 buwang pagbabayad
• Pagpopondo sa pamamagitan ng Travis Credit Union at Beneficial State Bank

May available ding rebate na hanggang $2,000 sa mga kalahok para sa pagbili at pag-install ng charger sa bahay. Hindi puwedeng isama ang DCAP sa Clean Cars for All.

Diskwento sa FasTrak

Makakatanggap ang mga kwalipikadong Sasakyan para sa Malinis na Hangin (Clean Air Vehicle, CAV) ng mga diskwento sa lahat ng toll bridge sa Bay Area na pag-aari ng estado (pero hindi sa Golden Gate Bridge) at mga biyahe na walang toll sa mga express lane.

Credit sa Buwis ng Pederal

Ang lahat ng de-kuryente at plug-in hybrid na sasakyang binili noong o pagkalipas ng 2021 ay posibleng kwalipikado para sa isang credit sa buwis sa kita ng pederal na hanggang $7,500. Mag-iiba ang halaga ng credit batay sa kapasidad ng baterya na ginagamit para patakbuhin ang sasakyan at sa manufacturer ng sasakyan.

Access sa Lane para sa High-Occupancy na Sasakyan (High-Occupancy Vehicle, HOV)

Ang programang Sasakyan para sa Malinis na Hangin (CAV) ay pinapangasiwaan ng Departamento ng Mga Sasakyang De-motor (Department of Motor Vehicles, DMV) sa pakikipagtulungan sa Lupon ng Mga Resource ng Hangin (ARB) ng ng California. Papahintulutan ng programa ang isang kwalipikadong sasakyang nakakatugon sa mga nakasaad na pamantayan sa emisyon na bibigyan ng decal ng CAV para payagan ang single occupancy na paggamit ng mga lane para sa High-Occupancy na Sasakyan (HOV o carpool).

Tandaan: Para sa isang sasakyang binili noong o pagkalipas ng Enero 1, 2018, hindi puwedeng magbigay ang DMV ng decal ng CAV sa isang aplikanteng nakatanggap ng rebate sa consumer sa pamamagitan ng Proyekto ng California para sa Malinis na Sasakyan (CVRP). Dapat pumili ang isang aplikanteng may gross na taunang kita na mahigit sa mga nakasaad na limitasyon sa pagitan ng decal ng CAV o rebate ng CVRP.

Programang MCEv

Ang Programang Rebate sa Sasakyan ng MCEv ay tumutulong sa mga customer ng MCE na babaan ang presyo ng mga bagong de-kuryenteng sasakyan (EV) para sa mga customer na may kwalipikadong kita sa pamamagitan ng $3,500 na rebate sa EV (pagkatapos ng pagbili). Parehong kwalipikado ang binili at ni-lease na EV. Kung kwalipikado, awtomatikong gagawin ng iyong aplikasyon sa rebate sa MCEv ang iyong aplikasyon sa Programang Rebate sa Malinis na Sasakyan (CVRP). Makakatulong din ang MCE sa mga kwalipikadong customer na isama ang rebate na ito sa iba pang incentive para sa kabuuang diskwento na hanggang $19,000 para sa isang bagong EV.

Pacific Gas and Electric – Programa sa Rebate sa Pre-Owned na De-kuryenteng Sasakyan

Nag-aalok ang programang PG&E Pre-Owned Electric Vehicle sa lahat ng kwalipikadong electric service customer ng dalawang antas ng insentiba kapag bumili o nag-lease sila ng preowned na battery electric o plug-in hybrid na sasakyan. Isang $1,000 na pamantayang rebate o opsyong Rebate Plus na $4,000 para sa aplikanteng nakakatugon sa mga partikular na ipinag-aatas batay sa kita.

Peninsula Clean Energy – Programa ng Rebate sa Nagamit nang EV

Puwedeng makatanggap ang mga residente ng County ng San Mateo ng rebate na haggang $6,000 para i-offset ang presyo sa pagbili ng isang nagamit nang EV. Dapat mag-apply ang mga residente bago sila bumili ng kanilang EV para maging kwalipikado sila. $3,700-$4,000 lang ang puwedeng isama sa Clean Cars for All.

Reward ng California para sa Malinis na Fuel

Nag-aalok ang programang Reward sa Malinis na Fuel ng California ng hanggang $750 diskwento sa pagbili o pag-lease ng kwalipikadong bagong sasakyang De-baterya at Gumagamit ng Kuryente (BEV) o Plug-in Hybrid (PHEV).

Pag-charge

Lungsod ng Mountain View – Pagpopondo sa Istasyon para sa Pag-charge

Nag-aalok ang CaliforniaFIRST ng murang pangmatagalang programa na may 100 porsyentong up-front na pagpopondo para sa efficiency ng residensyal at komersyal na enerhiya, renewable na enerhiya, at upgrade sa pagtitipid ng tubig na permanenteng nakalagay sa property. Kasama sa mga kwalipikadong gusali ang mga single-family na bahay, multi-family na gusali (5 o higit pang unit), at komersyal/industriyal na property.

Sonoma Clean Power – GridSavvy

Nag-aalok ang Sonoma Clean Power (SCP) ng libreng Level 2 (32-40 amp) na smart na charger na nakakonekta sa internet sa mga kwalipikadong customer.

Magbabayad ang mga customer upfront para sa 50% ng gastusin sa charger, buwis sa benta, $50 na bayarin sa pagpapadala at pangangasiwa, at anumang gastusin sa pag-install. Kapag na-install at na-activate na ang charger, ike-credit ng SCP ang mga credit sa paunang bayad, at ikakaltas nito rito ang anumang gastusin sa pag-install.

Pacific Gas and Electric – Mga Rate Plan sa De-kuryenteng Sasakyan

Nag-aalok ang Pacific Gas and Electric (PG&E) ng dalawang rate plan sa de-kuryenteng sasakyan sa mga residensyal na customer. Sa Pag-charge sa Bahay, isinasama ng EV2-A ang mga gastusin sa kuryente ng iyong sasakyan sa mga gastusin sa tirahan mo. Sa EV-B, kailangang mag-install ng isa pang metro, na naghihiwalay sa mga gastusin sa kuryente ng iyong sasakyan sa mga gastusin sa tirahan mo.

Iba pa

Rebate sa e-bike ng County ng Contra Costa

Estado ng California – Pagreretiro ng Sasakyan ng Programang Tulong sa Consumer

Ang Programa ng Tulong sa Consumer (Consumer Assistance Program, CAP) ay pinapangasiwaan ng Kawanihan para sa Pagkukumpuni ng Sasakyan. Layunin ng CAP na pagandahin ang kalidad ng hangin ng California sa pamamagitan ng pagbabawas sa mga emisyon ng sasakyan. Kung may-aari kang gumaganang sasakyan na kamakailang nakapasa o hindi nakapasa sa isang inspeksyon para sa Pagsusuri ng Smog, posibleng kwalipikado kang makatanggap ng incentive para iretiro ang sasakyan mo. Posibleng hindi makatanggap ang mga kalahok ng pondo mula sa Clean Cars for All kung makakatanggap sila ng pondo mula sa CAP para sa parehong sasakyang nireretiro (batay sa Numero ng Pagkakakilanlan ng Sasakyan).

• Posibleng makatanggap ng $1,500 ang mga consumer na may kwalipikadong kita na nakakatugon sa mga kinakailangan sa pagiging kwalipikado ng programa
• Posibleng makatanggap ng $1,000 ang lahat ng iba pang kwalipikadong consumer

Programang Pag-buy Back ng Sasakyan 

Bibigyan ng Programang Pag-buy Back ng Sasakyan (Vehicle Buy Back Program, VBB) ang mga residente ng Bay Area ng $1,200 para i-scrap ang kanilang gumagana pang nakarehistrong 1998 o mas lumang sasakyan. Para maging kwalipikado ang iyong sasakyan, nakakatugon dapat ito sa Mga Kinakailangan sa Pagiging Kwalipikado ng Sasakya at dapat makapasa ito sa Pag-inspeksyon sa Pagiging Kwalipikado ng Sasakyan (tingnan ang website para sa kumpletong detalye). Posibleng hindi makatanggap ang mga kalahok ng pondo mula sa Clean Cars for All kung makakatanggap sila ng pondo mula sa VBB para sa parehong sasakyang nireretiro (batay sa Numero ng Pagkakakilanlan ng Sasakyan).