Mag-apply

Paano Mag-apply

• Suriin ang Gabay ng User sa Aplikasyon(1 Mb PDF, 15 pgs, posted 3/18/2022) para malaman kung paano magparehistro ng account at punan ang online na aplikasyon.
• Suriin ang Mga Tuntunin at Kundisyon(485 Kb PDF, 11 pgs, posted 6/27/2023) ng programa na papalagdaan sa iyo pagkatapos masuri ang iyong aplikasyon.

Hihilingin sa iyong magbigay ng dokumentasyon para sa mga sumusunod na kategorya sa iyong aplikasyon sa Clean Cars for All:

1. Form W-9
   • Magsumite ng Kahilingan para sa Numero ng Pagkakakilanlan at Sertipikasyon ng Nagbabayad ng Buwis (Form W-9). Tumingin ng halimbawang Form W-9(743 Kb PDF, 1 pg, revised 1/28/2021).
   • I-download ang PDF na Form W-9.
   • Kailangan mong magsumite ng Form W-9 (hindi ng W-2) para makasali ka sa programang ito. Kailangang iulat bilang nabubuwisang kita ang pondo mula sa programang ito. Magpapadala sa iyo ang Air District ng Form 1099-G (malamang ay sa Enero o Pebrero) sa susunod na taon para sa ulat.
2. Pag-verify ng Kita
   
   • Mayroon kang dalawang opsyon para ma-verify ang iyong kita:
     • Opsyon #1: Ang iyong Transcript ng Tax Return sa Pederal mula sa inihaing pinakakamailang taon ng buwis (mas pinipiling opsyon).
       • Humiling ng online na transcript sa website ng IRS
       • Mag-download ng halimbawang Transcript(1 Mb PDF, 2 pgs, posted 1/23/2020)
     • Opsyon #2: Kopya ng iyong pinakakamakailang Tax Return sa Pederal (IRS Form 1040) at isang IRS Form 4506-C (IVES Kahilingan para sa Transcript ng Tax Return, Seksyon 6c).
       • Mag-downlaod at sumagot ng Form 4506-C(262 Kb PDF, 2 pgs, revised 9/18/2023). Dapat sagutan ang form sa electronic na paraan (mga naka-type na sagot), na may digital na lagda. Isusumite ng Air District ang Form 4506-C sa IRS sa ngalan mo kung mapipili ka para sa pag-verify ng kita.
         • Tumingin ng halimbawang Form 4506-C(561 Kb PDF, 1 pg, revised 9/21/2023).
         • Instrucciones para completar el Formulario 4506-C del IRS(559 Kb PDF, 1 pg, posted 9/18/2023).
   • Kung hindi ka naghain ng mga buwis, dapat kang magsumite ng nakanotaryong Affidavit ng Kita ng Sambahayan(715 Kb PDF, 6 pgs, posted 9/18/2023)( Español ) sa Air District (tingnan ang halimbawa(540 Kb PDF, 1 pg, posted 3/2/2020)) AT ng IRS Form 4506-C(262 Kb PDF, 2 pgs, revised 9/18/2023) (IVES Kahilingan para sa Transcript ng Tax Return, Seksyon 6) para humiling ng “Talaan ng Account.” Tumingin ng halimbawang Form 4506-C(561 Kb PDF, 1 pg, revised 9/21/2023). Dapat sagutan ang IRS Form 4506-C sa electronic na paraan, at mayroon dapat itong wet signature. Isusumite ng Air District ang Form 4506-C sa IRS sa ngalan mo. 
3. Kopya ng may bisang Lisensya sa Pagmamaneho sa California.
4. Kopya ng Sertipiko ng Titulo sa California (pink na slip) na nakapangalan sa aplikante sa panahon ng pagsusumite sa aplikasyon. Kung hinihintay mo ang titulo mula sa DMV, dapat kang maghintay hanggang sa matanggap mo ito bago ka mag-apply. Posibleng maglaman ang titulo ng mga joint na may-ari (mahigit sa isang pangalan), pero iisang halaga lang ng incentive ang puwedeng matanggap ng sinumang may-ari o joint na may-ari sa ilalim ng programa. Iisang halaga lang ng incentive ang ibibigay sa isang sambahayang kwalipikado sa ilalim ng IRS.
5. Kasaysayan ng Pagpaparehistro ng Sasakyan sa DMV sa nakalipas na 2 taon (mga nakarehistro at hindi nakarehistrong sasakyan).
   • May apat na paraan para ma-verify ang iyong kasaysayan ng pagpaparehistro sa DMV:
     1. Magbigay ng talaan ng pagpaparehistro ng sasakyan sa DMV. Puwede kang kumuha ng kopya ng iyong talaan ng pagpaparehistro nang may maliit na bayad online, sa pamamagitan ng koreo, o nang personal sa DMV. Kung may lapse sa pagpaparehistro na 120 araw o higit pa sa kabuuan, kailangan ng dokumentasyon ng Katibayan ng Operability (tingnan ang #6). Puwede kang magbigay ng 2 taong invoice ng insurance o pagkukumpuni. Kung walang lapse, hindi kailangan ng karagdagang dokumentasyon.
     2. Ibigay ang 2 buong taong card ng pagpaparehistro sa DMV (dalawang magkasunod na taon bago ang kasalukuyang petsa ng pag-expire ng pagpaparehistro). Kung may lapse sa pagpaparehistro na 120 araw o higit pa sa kabuuan, kailangan ng dokumentasyon ng Katibayan ng Operability (tingnan ang #6). Kung may lapse na 120 araw sa kabuuan, puwede kang magbigay ng mga invoice ng insurance o pagkukumpuni. Kung walang lapse, hindi kailangan ng karagdagang dokumentasyon.
     3. Kung hindi mo makukuha ang iyong talaan ng pagpaparehistro ng sasakyan sa DMV o kung hindi mo maibibigay ang 2 taong card ng pagpaparehistro, kailangan ng Katibayan ng Operability (tingnan ang seksyon #6). Puwede kang magbigay ng kasalukuyang card ng pagpaparehistro sa DMV at 2 taong invoice ng insurance o pagkukumpuni.
     4. Kung hindi nakarehistro ang isang sasakyang may malinis na titulo dahil sa hindi naipasang pagsusuri para sa smog, puwede kaming tumanggap ng abiso sa pag-renew ng pagpaparehistro ng sasakyan sa DMV at hindi naipasang pagsusuri para sa smog (ipinapakita nitong hindi mo puwedeng iparehistro ang sasakyan) at 2 taong invoice ng insurance o pagkukumpuni; o Hindi Pa Nababayarang bill sa DMV o liham na nagpapakitang nasuspinde ang pagpaparehistro sa sasakyan at 2 taong invoice ng insurance o pagkukumpuni.
   • Hindi ka puwedeng mag-mix and match ng mga uri ng dokumento. Halimbawa, hindi ka puwedeng magkaroon ng 1 taong kasaysayan ng pagpaparehistro at 1 taong invoice ng insurance/pagkukumpuni. Kung magbibigay ka ng insurance, dapat ay 2 taong insurance ito mula sa nakalipas na taon na walang lapse na 120 araw sa kabuuan. Kung magbibigay ka ng mga invoice ng pagkukumpuni, dapat ay mula ito sa dalawa sa pinakakamakailang taon ng kalendaryo (hal. 2021 at 2020).
6. Katibayan ng Operability (kailangan lang kung...)
   • Ang isang hindi nakarehistrong sasakyan na hindi nakakatugon sa Pagiging Kwalipikado ng Naretiro nang Sasakyan (na binanggit sa Mga Tuntunin at Kundisyon(485 Kb PDF, 11 pgs, posted 6/27/2023)) ay posibleng kwalipikado kung napatunayang sa California ito pangunahing ibiniyahe sa nakalipas na dalawang taon, at hindi ito nairehistro sa iba pang estado o bansa sa nakalipas na dalawang taon.
   • Posibleng kasama ang mga sumusunod sa dokumentasyon:
     • Katibayan ng insurance para sa dalawang magkasunod na taon, na walang lapse na mahigit sa 120 araw sa kabuuan; o dalawang invoice mula sa isang Dealer para sa Pagkukumpuni ng Sasakyan na nakarehistro sa Kawanihan para sa Pagkukumpuni ng Sasakyan. Mula dapat ang mga invoice sa dalawang magkahiwalay na taon ng kalendaryo at hindi dapat mas luma sa 24 na buwan ang pinakaluma.
     • Kasama dapat ang mga sumusunod sa invoice:
       • Valid na numero ng pagpaparehistro ng Dealer para sa Pagkukumpuni ng Sasakyan.
       • Pangalan at address ng dealer para sa Pagkukumpuni ng Sasakyan.
       • Paglalarawan ng operasyon sa pagkukumpuni o pagmementina na isinagawa sa sasakyan.
       • Taon ng sasakyan, manufacturer, modelo, at numero ng pagkakakilanlan o plaka ng sasakyan na tumutugma sa ireretirong sasakyan.
       • Petsa ng pagbisita para sa pagkukumpuni o pagmementina.
7. Katibayan ng Paninirahan na may petsang nasa nakalipas na 90 araw (kailangan lang kung hindi ipinapakita ng Lisensya sa Pagmamaneho sa California ang kasalukuyang address).
   • Kasama sa mga halimbawa ang bill ng utility, bill ng cell phone, pay slip, o buwis sa property.

Mag-subscribe sa Email List ng Clean Cars for All (Malilinis na Sasakyan para sa Lahat)
  MAG-SUBSCRIBE