Pagiging Kwalipikado

Lokasyon

Sa kasalukuyan, bukas lang ang Clean Cars for All sa mga residente ng Bay Area na may kwalipikadong kita, na nakatira sa mga komunidad na apektado ng mas matataas na antas ng polusyon. Kwalipikado ang mga sumusunod na zip code:

Kita

Para maging kwalipikado sa Clean Cars for All, dapat ay mas mababa sa aming limitasyon sa kita ang taunang kita ng iyong sambahayan. Ipinapakita ang mga limitasyong ito sa talahanayan sa ibaba.

*Nagbibigay ang Mobility Option ng pre-paid card para sa pampublikong transportasyon at pagbili ng de-kuryenteng bisikleta at mga accessory para sa bisikleta.

**Posibleng maging kwalipikado ang kalahok para sa karagdagang rebate para makapag-install siya ng level 2 charging station sa bahay (na hanggang $2,000) o para makatanggap siya ng level 2 portable charger (na hanggang $600). Matuto pa sa pamamagitan ng pag-download sa Manual para sa Rebate sa Electric Vehicle Charger(1004 Kb PDF, 17 pgs, posted 5/5/2022).

Bagong Aplikante

Hindi kwalipikado para sa Programang CCFA ang mga aplikanteng nakatanggap ng pondo mula sa Programa ng Tulong sa Clean Vehicle, Programa ng Tulong sa Malinis na Pagmamaneho, Clean Cars 4 All Sacramento, Replace Your Ride, Tune‐in & Tune‐up, at Drive Clean in the San Joaquin o iba pang programang hindi puwedeng pagsama-samahin, i-stack, o tanggapin bilang karagdagan sa CCFA ng Distrito ng Hangin o Lupon ng Mga Resource sa Hangin ng California. Dapat iretiro ng mga kalahok ang kanilang sasakyan sa pamamagitan ng Clean Cars for All at hindi nila puwedeng ibenta ang nasabing sasakyan o hindi sila puwedeng tumanggap ng pondo sa pamamagitan ng pagreretiro sa parehong sasakyan sa pamamagitan ng Programa ng Tulong sa Consumer (CAP) o Programang Pag-buy Back ng Sasakyan (VBB).

Pagiging Kwalipikado ng Naretiro nang Sasakyan

Dapat matugunan ng ireretirong sasakyan ang mga sumusunod na kinakakailangan:

1. Taon 2005 o mas lumang modelo (hal. 2005, 2004, 2003, atbp.).
2. Light o medium na duty vehicle na pinapatakbo ng gasolina o diesel (hanggang 10,000 pounds na Gross Vehicle Weight Rating [GVWR]).
3. Kasalukuyang nakarehistro sa isang indibidwal sa Departamento ng Mga Sasakyang de Motor ng California (DMV) na may valid at hindi pa nag-e-expire na sticker ng pagpaparehistro, na bayad na ang lahat ng bayarin sa DMV at may pagpaparehistrong hindi pa nag-e-expire nang mahigit sa 120 araw. Puwedeng payagan ang mga pagbubukod, sumangguni sa seksyong Mga Pagbubukod sa ibaba.
4. Tuluy-tuloy na nakarehistro sa California sa DMV sa loob ng dalawang magkasunod na taon bago ang petsa ng pag-expire ng kasalukuyang pagpaparehistro, nang walang break sa pagitan ng pagpaparehistro na mahigit sa 120 araw. Puwedeng payagan ang mga pagbubukod, sumangguni sa seksyong Mga Pagbubukod sa ibaba.
5. Gumagana dapat ang sasakyan. Puwedeng atasan ang kalahok na sumailalim sa isang pagsusuri sa smog mula sa tailpipe, kumumpleto ng Acceleration Simulation Mode (ASM) test, o kumumpleto ng pagsusuri sa functionality na isinasagawa ng Distrito ng Hangin, GRID Alternatives, o mga awtorisadaong dismantler.

Mga Pagbubukod sa Sasakyan

Ang isang hindi nakarehistrong sasakyan o sasakyang nakarehistro sa kasalukuyan na hindi nakakatugon sa mga ipinag-aatas (c) at (d) sa seksyong Pagiging Kwalipikado ng Naretiro nang Sasakyan ay posible ring maging kwalipikado kung napatunayang sa California ito pangunahing ibiniyahe sa nakalipas na dalawang taon, at hindi ito nairehistro sa iba pang estado o bansa sa nakalipas na dalawang taon. Posibleng kasama ang mga sumusunod sa dokumentasyon:

• Patunay ng insurance sa loob ng dalawang magkasunod na taon, na walang lapse na mahigit sa 120 araw sa kabuuan; o
• Dalawang invoice mula sa isang Dealer para sa Pagkukumpuni ng Sasakyan na nakarehistro sa Bureau of Automotive Repair. Mula dapat ang mga invoice sa dalawang magkahiwalay na taon ng kalendaryo at hindi dapat mas luma sa 24 na buwan ang pinakaluma. Kasama dapat ang mga sumusunod sa invoice:
  • Valid na numero ng pagpaparehistro ng Dealer para sa Pagkukumpuni ng Sasakyan
  • Pangalan at address ng Dealer para sa Pagkukumpuni ng Sasakyan
  • Paglalarawan ng operasyon sa pagkukumpuni o pagmementina na isinagawa sa sasakyan
  • Taon ng sasakyan, manufacturer, modelo, at numero ng pagkakakilanlan o plaka ng sasakyan na tumutugma sa ireretirong sasakyan
  • Petsa ng pagbisita para sa pagkukumpuni o pagmementina

Mga Sasakyang Hindi Kwalipikado para sa Pagreretiro

Ang mga sumusunod na sasakyan ay hindi kwalipikadong lumahok sa Programang CCFA:

• Mga dismantled o salvaged na sasakyan na hindi nirehistro ulit, alinsunod sa seksyon 11519 ng Kodigo sa Sasakyan.
• Nakarehistro sa non-profit o negosyo.
• Pinapatakbo ng pampublikong ahensya o fleet na nilisensyahan at nirehistro alinsunod sa seksyon 44019 at 44020 ng Kodigo sa Kalusugan at Kaligtasan.
• Sumasailalim sa paglilipat ng pagmamay-ari.