|
|
Patakaran sa Pagpapatupad ng Batas
Web page para sa impormasyon at mga dokumentong nauugnay sa bagong Patakaran sa Pagpapatupad ng Batas ng Tanggapan ng Pangkalahatang Tagapayo
Bagong Patakaran sa Pagpapatupad ng Batas ng Tanggapan ng Pangkalahatang Tagapayo
Ang Tanggapan ng Pangkalahatang Tagapayo ng Distrito ng Hangin ay bumubuo ng bagong Patakaran sa Pagsasagawa ng Legal na Aksyon upang Ipatupad ang mga Regulasyon ng Distrito ng Hangin Kaugnay ng mga Paglabag
(Patakaran sa Pagpapatupad ng Batas). Ang Patakaran sa Pagpapatupad ng Batas ay pampublikong magdodokumento kung paano nagsasagawa ng legal na aksyon ang Distrito ng Hangin upang ipatupad ang mga regulasyon nito upang isulong ang misyon ng ahensya tektahan ang pampublikong kalusugan at bawasan ang mga dati at kasalukuyang kawalan ng katarungan sa kapaligiran. Ang iminumungkahing Patakaran sa Pagpapatupad ng Batas ay nagpapatupad ng ilang mahalagang pangako ng Distrito ng Hangin, kabilang ang Estratehiya 1.6 (Bagong Patakaran sa Pagpapatupad) sa Estratehikong Plano para sa 2024-2029 ng Distrito ng Hangin at Aksyon sa Pagpoproseso ng Fuel (Fuel Refining, FR) 3.6 at 3.8 sa Plano sa Pagbabawas ng mga Emisyon sa Komunidad paraTungo sa Malinis na Hangin. Ang Tanggapan ng Pangkalahatang Tagapayo ay naglalathala ng paunang draft ng Patakaran at humihingi ng komento tungkol dito mula sa mga interesadong miyembro ng publiko.
Ang paunang draft na ito ay binuo sa konsultasyon sa isang maliit na nagtatrabahong grupo na binubuo ng mga miyembro ng Pagpapayo ng Komunidad ng Distrito ng Hangin at apat na Steering Committee ng g Panukalang Batas (Assembly Bill, AB) 617. Ang kolaborasyong ito ay naghatid ng mahahalagang pananaw ng komunidad sa proseso ng paunang pag-draft. Ang Distrito ng Hangin ay humihingi na ngayon ng mas malawak na komento ng komunidad at publiko tungkol sa draft na patakaran bago ito isapinal. Ang impormasyon tungkol sa mga pagkakataon para sa pampublikong komento ay nakasaad sa ibaba ng pahinang ito.
Ang Draft na Patakaran sa Pagpapatupad ng Batas: Nakasaad sa draft na Patakaran sa Pagpapatupad ng Batas na ang Tanggapan ng Pangkalahatang Tagapayo ay bubuo at magpapatupad ng mga legal na estratehiya sa mga kaso ng pagpapatupad na ginagabayan ng mga sumusunod na prinsipyo:
- Magbigay ng kaliwanagan sa proseso ng pagpapatupad ng batas, nang hindi isinasakripisyo ang pagiging kumpidensyal ng mga kasalukuyang kaso;
- Gamitin nang mabisa ang mga magagamit na legal na awtoridad upang panagutin ang mga lumalabag at protektahan ang pampublikong kalusugan, lalo na sa mga pinakanaaapektuhang komunidad;
- Magpatupad ng mga mabisa at angkop na resulta ng pagpapatupad upang pigilan ang mga paglabag sa hinaharap at upang bawasan at baligtarin ang mga pinsalang dulot ng pamana ng mga hindi patas na desisyon sa pagpapaunlad ng publiko at pribadong sektor; at
- Gamitin ang mga kagamitan at mapagkukunan sa paglilitis sa estratehikal na paraan kung saan maaaring magkaroon ang mga ito ng pinakamalaking epekto sa pagbabago ng pag-uugali sa mga komunidad na labis na pinapasan ang malawakang hindi pagsunod.
Layunin ng Patakaran sa Pagpapatupad ng Batas na makamit ang mga resulta ng pagpapatupad na nagpapanagot sa mga lumalabag at nililinaw nito na hindi palalampasin ang mga paglabag sa kalidad ng hangin sa anumang komunidad sa Bay Area. Susukatin ang tagumpay sa pamamagitan ng isang mekanismo ng taunang pag-uulat, na magbibigay ng pabalik na feedback upang subaybayan ang pagpapaunlad at pagpapabuti sa paglipas ng panahon, nang may pananagutan sa Lupon ng mga Direktor at sa mga komunidad kung saan nagaganap ang mga paglabag sa kalidad ng hangin.
Bukod pa sa buong draft na dokumento ng Patakaran sa Pagpapatupad ng Batas, naghanda rin ang Tanggapan ng Pangkalahatang Tagapayo ng maikling buod na nagtatampok ng mga pangunahing punto na tinatalakay sa draft na Patakaran.
Mga Pagkakataon Upang Matuto pa Tungkol sa Iminumungkahing Patakaran at Magbigay ng Feedback: Inaanyayahan ng Distrito ng Hangin ang mga interesadong miyembro ng publiko na suriin ang draft na Patakaran at magbigay ng mga komento kung paano ito mapapabuti. Ang mga nakasulat na komento ay maaaring isumite sa pamamagitan ng email sa mvinluanchan@baaqmd.gov, o sa hard copy sa pamamagitan ng pagpapadala sa koreo o paghahatid ng mga ito sa Office of the General Counsel, 375 Beale Street, San Francisco, CA, 94105. Ang mga komento ay dapat matanggap bago sumapit ang Nobyembre 30, 2026.
Magsasagawa rin ang Distrito ng Hangin ng pampublikong workshop sa panahon ng komento upang ipakita ang draft na Patakaran sa Pagpapatupad ng Batas at talakayin nito iyon sa mga interesadong miyembro ng publiko. Ang hybrid na pagpupulong sa pampublikong workshop ay gaganapin sa Nobyembre 16, 2026, nang 6:00-7:30 pm sa Yerba Buena Room sa unang palapag ng Bay Area Metro Center, na matatagpuan sa 375 Beale Street, San Francisco, CA 94105. Ang mga miyembro ng publiko ay maaari ring lumahok nang virtual sa pamamagitan ng website ng Distrito ng Hangin sa www.baaqmd.gov.
Hinihikayat ang lahat ng interesadong miyembro ng publiko na dumalo sa pampublikong workshop upang matuto pa tungkol sa draft na Patakaran sa Pagpapatupad ng Batas at magbigay ng mga komento.
Last Updated: 10/14/2026